Se tiene ‘o desiderio ‘e ‘na canzone…
sa’ che vuò fà?…
Càntale ‘e stienne a voce quanno ammore
te fà cantà!…
Si sto durmenno, me sceto
e nun trovo arricietto…
Quanno me songo scetato,
me votto d’ ‘o lietto!…
Che staje miezz’ ‘o mare?
- me mengo! -
Che staje ‘mparaviso?
- nce vengo!… -
Senza scala si voglio… nce saglio!
pecchè saglio, penzanno… si voglio!
Miezz’ ‘e nuvole ‘a strata m’ ‘a sceglio…
Me sbaglio, me mbroglio,
ma saglio e te piglio!
Sott’ ‘a l’acqua, sott’ ‘o viento,
sott’ ‘o nuce e Beneviento,
pe’ cantà ‘nzieme cu te:
“Bene mio e core mio!”…
pe’ cantà ‘nzieme cu te!…
